அலங்காநல்லூர் ஜல்லிக்கட்டு

அமர்க்களமாய் தொடங்கிய அலங்காநல்லூர் ஜல்லிக்கட்டு!

உலகப் புகழ்பெற்ற அலங்காநல்லூர் ஜல்லிக்கட்டு கோலாகலமாக நடைபெற்றுவருகிறது. போட்டியை உள்ளூர் மக்கள் மட்டுமல்லாமல் வெளிநாட்டினரும் ரசித்துப் பார்த்து வருகின்றனர்.

பொங்கல் பண்டிகையை முன்னிட்டு ஜனவரி 15ஆம் தேதி முதல் பல்வேறு ஊர்களில் ஜல்லிக்கட்டு போட்டி நடைபெற்றுவருகிறது. ஓய்வு பெற்ற நீதிபதி தலைமையிலான குழுவின் கண்காணிப்பின் கீழ் இந்தப் போட்டிகள் நடைபெற்றுவருகின்றன. ஜனவரி 31ஆம் தேதி வரை ஜல்லிக்கட்டுப் போட்டிகள் நடத்த அனுமதி வழங்கப்பட்டுள்ளது.

பொங்கல் பண்டிகை அன்று அவனியாபுரத்திலும், நேற்று பாலமேட்டிலும் ஜல்லிக்கட்டுப் போட்டிகள் கோலகலமாக நடைபெற்றது. இன்று உலகப் புகழ்ப் பெற்ற அலங்காநல்லூர் ஜல்லிக்கட்டு போட்டி கோலாகலமாக நடைபெற்றுவருகிறது.

ஓய்வுபெற்ற நீதிபதி மாணிக்கம் தலைமையிலான குழுவின் கண்காணிப்பின் கீழ் அலங்கா நல்லூர் ஜல்லிக்கட்டு நடைபெறுகிறது. இதில் 700 காளைகளும், 921 மாடு பிடி வீரர்களும் கலந்துகொண்டுள்ளனர்.

கோலகலமாகத் தொடங்கியது பாலமேடு ஜல்லிக்கட்டு!

போட்டி தொடங்கும் முன்னர் காளைகளுக்கும், வீரர்களுக்கும் தனித்தனியே உடற்பரிசோதனை நடைபெற்றது. முதலில் இரண்டு கோயில் காளைகளும், ஜல்லிக்கட்டுக்காக போராடிய மாணவர்கள் சார்பில் ஒரு காளையும் அவிழ்த்துவிடப்பட்டன.

இந்தப் போட்டியை அமைச்சர் ஆர்.பி.உதயகுமார், மாவட்ட ஆட்சியர், சட்டமன்ற உறுப்பினர்கள் நேரில் கண்டு ரசித்துவருகின்றனர். இதில் சிறந்த மாடுபிடி வீரருக்கும், காளைக்கும் முதல்வர், துணை முதல்வர் சார்பில் கார் பரிசாக வழங்கப்படவுள்ளது. மேலும் மோட்டார் சைக்கிள், தங்கக் காசுகள், வெள்ளிக் காசுகள், பீரோ எனப் பலப் பரிசுகள் காத்திருக்கின்றன.

ஜல்லிக்கட்டுப் போட்டியில் சோகம்: நீளும் காயமடைந்தோர் பட்டியல்!

போட்டியில் பங்குபெற்ற அமைச்சர் விஜயபாஸ்கரின் சின்ன கொம்பன் காளை யார் கையிலும் சிக்காமல் களத்தில் நின்று விளையாடியது. அத்துடன் அக்காளை முட்டி 5 பேர் காயமடைந்தனர். அவனியாபுரத்தில் அசத்திய ராவணன் காளையும் மாடு பிடி வீரர்களுக்கு சிம்ம சொப்பனமாக விளங்கியது.

-tamil samayam

Leave a Reply

Your email address will not be published. Required fields are marked *