43வது சென்னை புத்தகக் காட்சி ஆரம்பம்

தென்னிந்திய புத்தக விற்பனையாளர்கள் மற்றும் பதிப்பாளர்கள் நடத்தும் 43வது சென்னை புத்தகக் காட்சி வரும் ஜனவரி 9ம் தேதி முதல் ஜன.21ம் தேதி வரை நந்தனம் ஒய்எம்சிஏ மைதானத்தில் துவங்குகிறது. இதில், 700க்கும் மேற்பட்ட அரங்குகள், 15 லட்சத்திற்கும் மேலான தலைப்புகளில் 2 கோடி புத்தகங்கள் இடம்பெறும் என எதிர்பார்க்கப்படுகிறது. வேலை நாட்களில் பிற்பகல் 3 மணி முதல் இரவு 9 வரையிலும், விடுமுறை நாட்களில் பகல் 11 முதல் இரவு 9 வரையிலும் புத்தகக்காட்சி நடைபெறும். தமிழ்மொழியின் சிறப்பையும், பாரம்பரியத்தையும், திருக்குறளின் பெருமையையும் புத்தகக் காட்சிக்கு வரும் அனைவரும் அறிந்துகொள்ளும் வகையில் ‘கீழடி-ஈரடி’ என்ற தலைப்பில் பிரமாண்டமான அரங்கு தொல்லியல்துறையின் ஒத்துழைப்போடு அமைய உள்ளது. பொதுமக்கள் வாங்கும் அனைத்து புத்தகங்களுக்கும் 10 சதவீதம் தள்ளுபடி வழங்கப்படும். இதற்கு நுழைவு கட்டணம் ₹10. மெட்ரோ ரயில் பயண அட்டைக்கு அனுமதி இலவசம்
மெட்ரோ ரயில் பயண அட்டை உள்ளவர்களுக்கு புத்தகக் காட்சியில் இலவச அனுமதி வழங்கப்படும் என அறிவிக்கப்பட்டுள்ளது. 

Leave a Reply

Your email address will not be published. Required fields are marked *